Fyri at taka lærling er neyðugt hjá fyritøku ella stovni at hava eina læruplássgóðkenning. Fyri at gerast lærupláss, skal fyritøkan/stovnurin hava útbúgvið fólk, ið kann veita nøktandi upplæring. Tað er Yrkisnevndin, ið góðkennir lærupláss.
Soleiðis verður søkt um læruplássgóðkenning:
Útbúgvingartíðin kann verða stytt grundað á arbeiðsroyndir ella skúlagongd. Meginreglurnar fyri stytting kunnu lesast her. Hevur tú meira enn 2 ár av fult viðkomandi arbeiðsroyndum, fært tú 6 mánaðir í stytting av verkligu læruni. Hevur tú eitt nú búskaparbreyt á miðnámi, gevur hetta 2 ár av stytting til útbúgvingina innan handil ella skrivstovu.
Metir tú teg hava serligar royndir ella fortreytir fyri at fara undir eina útbúgving, men hesar eru ikki fevndar av meginreglunum, ber til at søkja Yrkisnevndina um stytting í lærutíðini. Í slíkum føri skalt tú senda eina umsókn til Yrkisdepilin, har tú greiðir frá tínari støðu. Umsóknin verður síðani viðgjørd í Yrkisnevndini.
Fyrstu 6 mánaðirnir av lærutíðini, ber til hjá báðum pørtum at uppsiga ein lærusáttmála, uttan at tað er neyðugt at partarnir eru samdir um at uppsiga sáttmálan. Eftir at 6 mánaðir eru farnir, kunnu partarnir ikki einsíðis siga upp lærusáttmálan. Tó kann lærusáttmáli sigast upp, um báðir partar skrivliga vátta hesum. Meginreglan er sostatt, at báðir partar skulu skriva undir, tá slík broyting verður gjørd í lærusáttmálanum.
Tað kemur fyri, at annar parturin ikki vil skriva undir. Talan er tá um ósemju millum lærling og lærupláss. Ein tílík ósemja kann leggjast fyri yrkisnevndina, sum skal royna semju. Fæst semja framvegis ikki millum partarnar, kann málið verða lagt fyri eina sáttmálanevnd.
Útbúgvingar
Lógir
Góðkend lærupláss
Oyðubløð
Ein loysn frá Sendistovuni