Fleiri kærumyndugleikar eru í yrkisútbúgvingarskipanini, alt eftir hvørja avgerð talan er um.

Yrkisútbúgvingarskipanin hevur tvær kærunevndir - Sáttmálanevndina og Kærunevndina. Hesar eru skipaðar eftir sama leisti sum Fasti Gerðarrættur, men hava víðari heimildir, við tað at nevndirnar hava heimild at áleggja pørtunum bøtur. Niðurstøðurnar hjá báðum nevndunum eru fyrisitingarliga endaligar og kunnu leggjast fyri Føroya Rætt.

Formaður í bæði Sáttmálanevndini og Kærunevndini er Ken Nónklett.

Kærast kann t.d. um:

• Ósemjur millum lærlingar og lærupláss
• Próvtøkur í almennum lærugreinum
• Yrkis- og sveinaroyndir
• Avgerðir tiknar av yrkisnevndini
• Fyrisitingarligar avgerðir tiknar av leiðara á útbúgvingarstovni
• Fyrisitingarligar avgerðir tiknar av Yrkisdeplinum

Sáttmálanevndin
Ósemjur millum lærling og lærupláss kunnu kærast til Sáttmálanevndina. Kravið er, at talan er um galdandi sáttmála, tvs. at ikki ber til at kæra sáttmála, sum er útgingin ella uppsagdur. 

Kæran skal sendast til yrkisdepilin@yrkisdepilin.fo. 

Er talan um viðurskiftir, sum ynski er um verða tikin upp, hóast ongin kærumøguleiki er, ber til at lýsa málið og senda tað til Yrkisdepilin: yrkisdepilin@yrkisdepilin.fo, sum tryggjar, at málið verður tikið upp í skipanini og viðgjørt av pørtunum.

Kærunevndin
Avgerðir tiknar av Yrkisnevndini kunnu kærast til Kærunevndina. Kærufreistin er 4 vikur frá tí degi, kærarin hevur móttikið avgerðina frá Yrkisnevndini.

Kæran skal sendast til: yrkisdepilin@yrkisdepilin.fo.

Yrkisnevndin
Yrkis- og sveinaroyndir kunnu kærast til Yrkisnevndina í seinasta lagi 8 dagar eftir royndina.

Kæran skal sendast til: yrkisdepilin@yrkisdepilin.fo.

Kæra av avgerð hjá Yrkisdeplinum
Fyrisitingarligar avgerðir hjá Yrkisdeplinum kunnu kærast til Barna- og útbúgvingarmálaráðið.

Kæran skal sendast til: bumr@bumr.fo.

Kærur ísv. skúlagongd:

• Próvtøkur í almennum lærugreinum kunnu kærast til leiðara útbúgvingarstovnsins, tvs. til skúlaleiðsluna, har próvtøkan er tikin. Kæran skal vera útbúgvingarleiðaranum í hendi í seinasta lagi 4 vikur eftir, at próvtøkuúrslitið er kunngjørt próvtakaranum
• Fyrisitingarligar avgerðir hjá eini útbúgvingarleiðslu (føroyskum skúlum) kunnu kærast til Barna- og útbúgvingarmálaráðið í seinasta lagi 4 vikur eftir, at lærlingurin hevur móttikið avgerðina. Kæran skal sendast til: bumr@bumr.fo

Hvussu verður kært?
Kærur til Sáttmálanevndina, til Kærunevndina og til Yrkisnevndina skulu stílast til Yrkisdepilin: yrkisdepilin@yrkisdepilin.fo.

Kærur til Barna- og útbúgvingarmálaráðið skulu stílast til Barna- og útbúgvingarmálaráðið: bumr@bumr.fo

Nærri kunning um kærumøguleikar er at finna í galdandi kunngerðum. Eitt nú hvat kærast kann um, hvussu kæran skal viðgerast, og hvat hon skal innihalda.

Sáttmálnevndin: Kunngerð viðvíkjandi ósemjum millum lærling og lærupláss

Kærunevndin: Kunngerð um kærur av avgerðum tiknar av yrkisnevndini 

Annað: Kunngerð um kærur av avgerðum tiknar av leiðara útbúgvingarstovnsins, og kærur um próvtøkur, yrkis- og sveinaroyndir (serliga er talan um kap. 19)