Møguleiki er fyri at kæra úrskurðin hjá Yrkisnevndini til Kærunevndina og at leggja ósemjur um sáttmálaviðurskifti fyri Sáttmálanevndina. 

Kærast kann t.d. um:

• Ósemjur millum lærlingar og lærupláss
• Próvtøkur í almennum lærugreinum
• Yrkis- og sveinaroyndir
• Avgerðir tiknar av yrkisnevndini
• Fyrisitingarligar avgerðir tiknar av leiðara á útbúgvingarstovni

Hvør er kærufreistin? Og hvør viðger kærurnar?
Ósemjur millum lærling og lærupláss kunnu kærast til Sáttmálanevndina. Kravið er, at talan er um galdandi sáttmála - tvs. at ikki ber til at kæra sáttmála, sum er útgingin ella uppsagdur. 

• Próvtøkur í almennum lærugreinum kunnu kærast til leiðara útbúgvingarstovnsins. Kæran skal vera útbúgvingarleiðaranum í hendi í seinasta lagi 4 vikur eftir, at próvtøkuúrslitið er kunngjørt próvtakaranum
• Yrkis- og sveinaroyndir kunnu kærast til Yrkisnevndina í seinasta lagi 8 dagar eftir royndina
• Avgerðir tiknar av Yrkisnevndini kunnu kærast til Kærunevndina. Kærufreistin er 4 vikur frá tí degi, kærarin hevur móttikið avgerðina frá Yrkisnevndini
• Fyrisitingarligar avgerðir hjá útbúgvingarleiðara kunnu kærast til Uttanríkis- og mentamálaráðið í seinasta lagi 4 vikur eftir, at lærlingurin/næmingurin hevur móttikið avgerðina
• Fyrisitingarligar avgerðir hjá Yrkisdeplinum kunnu kærast til Uttanríkis- og Mentamálaráðið

Hvussu verður kært?
Kærur til Sáttmálanevndina og til Kærunevndina skulu stílast til Yrkisdepilin: yrkisdepilin@yrkisdepilin.fo.

Kærur til Uttanríkis- og mentamálaráðið skulu stílast til Uttanríkis- og mentamálaráðið.

Nærri kunning um kærumøguleikar er at finna í galdandi kunngerðum. Eitt nú hvat kærast kann um, hvussu kæran skal viðgerast og hvat hon skal innihalda.

Kunngerð viðvíkjandi ósemjum millum lærling og lærupláss

Kunngerð um kærur av avgerðum tiknar av yrkisnevndini 

Kunngerð um kærur av avgerðum tiknar av leiðara útbúgvingarstovnsins, og kærur um próvtøkur, yrkis- og sveinaroyndir (serliga er talan um kap. 19)